قناع بيزلين ۹ زيوت للشعر التالف ريفيو كامل BEESLINE HAIR 9 OILS MASK

بواسطة : Norhan Saeed
تعليقات 4
قناع بيزلين ۹ زيوت للشعر التالف ريفيو كامل BEESLINE HAIR 9 OILS MASK

قناع بيزلين للشعر التالف BEESLINE HAIR 9 OILS MASK

متابعات جميلة كير، اتمنى تكونوا بخير، لان مشاكل الشعر بيكون مش سهل حلها وبيكون اغلبها بسبب تعرض الشعر للمعاملات الحرارية والصبغات واستخدام الشامبو والبلسم بمواد كيميائية مضرة للشعر زي مادة السلفات، النهاردة عملتلكم ريفيو كامل عن قناع بيزلين ال9 زيوت لترطيب الشعر التالف وهو من افضل اقنعة بيزلين في علاج الشعر.

هعرفك مميزاته وكمان عيوبه واسعاره في الدول العربية والأماكن المضمون الشراء منها.

وكمان جمعتلكم كل اراء وتجارب عميلات جميلة كير المتابعات مع خبيرات الجلدية والتجميل.

وهتعرفي نتائجه امتى بتظهر وطريقة الاستخدام الصحيحة للماسك اللي هتوصلك للنتائج المرغوبة.

قناع بيزلين للشعر التالف BEESLINE HAIR 9 OILS MASK

منتجات شركة بيزلين اللبنانية هى من أفضل المنتجات للعناية بالبشرة والشعر، وده لانها بتكون مصنعة من مواد طبيعية مش مضرة للبشرة والشعر زي شمع العسل.

وماسك بيزلين لترطيب الشعر هو من افضل منتجات بيزلين واقنعه الشعر، بيحتوي على 9 زيوت ليها فوائد كثيرة للشعر التالف بالمقارنة بماسكات الشعر الأخرى، بيعمل على أكثر من وظيفة في علاج الشعر.

تعالى اقولك باقي مميزاته.

مميزات قناع بيزلين ۹ زيوت للشعر التالف

  • بيساعد شعرك يكون قوي ومتماسك عن الاول لانه غني بزيت بذر القطن اللي يحتوي على 54% من السيراميد الطبيعي المفيدة لتقوية فروة الرأس.
  • هيرجع لشعرك ليونته ولمعانه من تاني لانه غني بزيت عباد الشمس الي هيدي شعرك الليونة والترطيب واللمعان الي كان محتاجهم.
  • هيحمي كل خصلة من شعرك ويغلفها عشان تكون اقوي ومتماسكه لأنه غني بالحنه الطبيعيه المفيده لخصل شعرك الخارجية.
  • بيخلي فروة راسك صحيه وقويه لأنه غني بزيت الحبة السوداء اللي هيساعد على تقوية فروة راسك نفسها وكمان تكون مضاده للاكسده.
  • يغذي فروة رأسك وشعرك ويمدها بالماغنيسيوم والكالسيوم الي محتاجلهم لأنه غني بزيت اللوز الحلو اللي هيساعد شعرك علي التخلص من الجفاف والقشرة والجافة.
  • غني بزيت الارجان سريع الامتصاص لفروة الرأس اللي بيحافظوا علي شعرك من التلف والتقصف والهيشان وكمان يسرع من ظهور النتيجة.
  • يساعد على نمو الشعر لاحتوائه على زيت القرنفل اللى بيحفز الدورة الدموية ويطول شعرك وامتلاء الفراغات فيه.

بالنسبة لعيوبه

  • القناع حجمه صغير 8 جم و هتحتاجي اكتر من ماسك للوصول للنتيجة المطلوبة.
  • سعره غالي نسبيًا بالنسبه للمنتجات الأخرى، ولكن يعتبر من افضل اقنعة الشعر.
  • مينفعش تستخدميه على فروة الراس مباشرة ويستخدم على الاطراف فقط.

نتائجه

يفضل تتابعي النتائج مع خبيرة الجلدية والتجميل عشان تساعدك في طريقة الاستخدام المناسبة ليكي ولروتين يومك وحالتك، وتكون معاكي خطوة بخطوة للوصول للنتائج بطريقة صحيحة، وغالبًا بتكون دي نتائج قناع بيزلين 9 زيوت :

  •  من أول مرة استخدام بتلاحظي شعرك انعم تعرفي تصففيه افضل ولونه هيكون لامع.
  • خلال اسبوعين من الاستخدام بيجعل شعرك لين وبيعمل على الترطيب القوي ليه.
  • بتلاحظي زيادة طول شعرك وقوه بصيلات الشعر الملحوظة وزيادة سمك البصيلة في خلال ثلاث اشهر من الاستخدام المنتظم.

سعره في الدول العربية

بتتفاوت سعر قناع بيزلين 9 زيوت فى الدول العربيه، واحيانًا بيكون غير متواجد باستمرار، ودا سعر ال 10 اقنعة مع بعض.

في السعودية 120 ريال

الإمارات 120 درهم

الكويت 9.63 دينار

البحرين 12.06 دينار

عمان 12.32 ريال

للإستعلام عن المنتج في الدول العربية او التحدث مع أخصائية التجميل إضغطي علي الواتساب
أخصائية التجميل

في مصر 250 جنية رابط الشراء في مصر عن طريق الفيسبوك

ريفيوهات عائلة جميلة كير

دي ريفيوهات وتجارب عميلاتنا المتابعين مع خبيرات الجلدية والتجميل وازاى كانوا بيحسوا بالتغير والراحة بعد استخدامه.

طريقة استخدام قناع بيزلين للشعر التالف

  1. اغسلي شعرك بالمياه الفاترة بالشامبو والبلسم المناسبين ليكي كويس يكون خالي من السلفات بدون ترك رواسب على الشعر.
  2. مشطي الشعر جيدًا اولًا يكون مش متشابك.
  3. خذي الكميه المناسبه من القناع او الماسك لشعرك وضعيها على شعرك.
  4. ضعى فوطة ساخنة فوق الشعر بعد وضع القناع.
  5. اتركي شعرك يتشرب القناع لمدة 20 دقيقة وبعد كده اغسليه من القناع بالشامبو.
  6. استخدمي ماسك بيزلين للشعر 9 زيوت مرة في الاسبوع.
هذه المقالة
بواسطة Norhan Saeed خبيرة ازالة الشعر بالليزر و طرق علاج البشرة بأجهزة الليزر الحديثة و المنزلية
اضف تعليق
25 أحبو المقال

التعليقات (٤)

  1. ٤
    زائرة

    بيعالج الشعر الخفيف

    • ٣
      Norhan Saeed

      اكيد حبيبتي لانه ماسك مخصوص للشعر الخفيف والتالف
      يقوي جزور الشعر ويزيد من سمكه ويملأ الفراغات

  2. ٢
    زائرة

    بيعالج فراغات الرأس

    • ١
      Norhan Saeed

      اي حبيبتي بيملى فراغات الرأس مع الوقت

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>