حمايه كاملة من اشعة الشمس الضارة والتصبغات مع لاروش بوزيه جل واقي شمس للبشرة الدهنية.
متابعات جميلة كير، اتمنى تكونوا بخير، النهاردة عملتلكم ريفيو كامل عن أفضل واقي شمس للبشرة الدهنية تجربتي، هعرفكم كل حاجة عنه عيوبه ومميزاته واسعاره في الوطن العربي.
جمعت ليكم كل آراء و ريفيوهات عميلات جميلة كير المتابعات مع خبيرات الجلدية والتجميل.
وكمان هعرفكم امتى النتائج بتظهر للكريم، وطريقة الاستخدام الصحيحة اللي توصلك للنتائج بشكل سليم.
تابعي المقالة للآخر ومستنيه استفساراتكم في الكومنتات.
كريم لاروش بوزيه أنثيليوس جل واقي شمس LA ROCHE POSAY Anthelios gel cream
شركة لاروش بوزاي الفرنسية من الشركات المميزة في صناعة منتجات لعلاج مشاكل البشرة، وهى تعتبر من الشركات العالمية اللي ليها شعبية كبيرة وتوصية من اغلب اطباء الجلدية والتجميل.
واللي بيميز كريم جيل لاروش بوزاى من اي جل تاني واقي للشمس أنه يحتوي على مادة Ethylhexyl Triazone اللى بتحميكى من الاشعه فوق البنفسجيه الضاره ببشرتك، وده اللى بنبقى محتاجينه فى كريم الحمايه اللي بندور عليه علشان يحمينا من اى ضرر صادر عن الأشعة الضارة.
خلينى اقولك على اهم مميزاته.
مميزات لاروش بوزيه جل واقي شمس للبشرة الدهنية
- بيتميز لاروش بوزيه انتيليوس بحصوله على براءة اختراع اللى بتحميكى من أشعة الشمس لمدة 4 ساعات متواصلة، و ساعتين متواصلين لو انتى فى مياه البحر او البيسين.
- واقي شمس لاروش بوساي للبشرة الدهنية يحتوي على مادة Homosalate اللى بتحميكى من أشعة UVB اللى بيكون ليها اثر كبير في تلف الخلايا اللى بتسبب أمراض خطيرة زى السرطان.
- بيحتوي على السيلكا Silica اللى بتشتغل على إعادة تحفيز الكولاجين من تانى اللى بتكون تالفه من أشعة UVB.
- لاروش بوزيه جل واقي شمس للبشرة الدهنية مخصص لاصحاب البشره الدهنيه لانه جل ملمسه خفيف جدا على البشرة ويمتص بسهولة، وهو كريم ضد اللمعان يعني بيمنع تراكم الدهون الزائدة على البشرة بعد التعرض للشمس.
- واقي شمس لاروش بوزيه عامل حمايته 50+ ودى اعلى حمايه ممكن تلاقيها لأنها بتساوى 98% حمايه من اشعه الشمس الضاره فبكده بتبقي بشرتك محمية من اى ضرر ممكن تسببه الشمس ليها.
بالنسبة لعيوبه
- جل كريم لاروش بوزية انتيليوس للبشرة الدهنية، لو بشرتك جافه مينفعش تستخدميه لانه هيجفف بشرتك ومش هيكون مناسب ليها.
- عبوة واقي الشمس للبشرة الدهنية la roche posay حجمها صغير لو هتستخدميه على الوجه والجسم.
- لا يستخدم لمنطقة حول العين.
- مش دايمًا متوفر في الماركت لانه بينزل و يخلص بسرعة.
سعر صن بلوك لاروش بوساي للبشره الدهنية فى الدول العربية
يتفاوت سعر صن بلوك لاروش بوزيه للبشرة الدهنية فى الدول العربيه، واحيانًا بيكون غير متواجد باستمرار
السعودية 120 ريال
الإمارات 120 درهم
الكويت 9.60 دينار
البحرين 12.00 دينار
عمان 24.64 ريال
مصر 335 جنية
نتائج لاروش بوزيه جل واقي شمس للبشرة الدهنية
يفضل تتابعي الاستخدام مع خبيرة الجلدية والتجميل، عشان تحددلك الاستخدام المناسب ليكي ولروتين يومك وعلى حسب حالتك نوع بشرتك، ودي كانت أغلب النتائج اللي بتظهر مع الصن سكرين :
- هتحسي بالفرق من اول استخدام افضل واقي شمس للبشرة الدهنية لاروش بوزيه بيشكل عازل من أشعة الشمس الضارة.
- لو كانت بشرتك بتتحسس من أشعة الشمس هتلاحظي ان ده مابقاش يحصل ليها بعد استخدامك ليه.
- مع الوقت بشرتك مش هتتاثر من أضرار الشمس.
ريفيوهات عائلة جميلة كير
دي ريفيوهات عميلاتنا المتابعين مع خبيرات الجلدية والتجميل وازاى كانوا بيحسوا بالتغير والراحة بعد استخدام صن بلوك لاروش بوزيه للبشرة الدهنية.
طريقة استخدام جل لاروش بوزيه واقي الشمس للبشرة الدهنية
- تاكدي من نظافة الجلد قبل استخدام الصن بلوك.
- استخدميه قبل التعرض للشمس ب 15 دقيقة.
- ضعي الكمية المناسبة للمنطقة المراد حمايتها من الشمس.
- دلكى الكريم بطريقة متساوية.
- جددي الاستخدام كل 4 ساعات للتعرض للشمس خارج البحر.
- جدديه كل ساعتين لو هتتعرضي لمياه البحر أو البول.
الجيل ثقيل على البشرة
بالعكس جدا خفيف على بشرتك
شنو افضل فيشي ولا لاروش بوزيه
حبيتي كل بشرة بيكون الها خواص بتناسب منتج عن بشرة اخرى، تواصلي مع خبيرة الجلدية والتجميل بيتحددلك المناسب لحالتك ونوع بشرتك
بيثبت على الجلد مدة كبيرة
مرة ثابت على الجلد حبيبتي وبيتم تجديدة كل اربع ساعات
اذا جددته كل ساعتين بيأثر على بشرتي
لا ما بيأثر على بشرتك فيكي تجدديه كل ساعتين او كل اربع ساعات وقت ما تحتاجين