سيروم لاروش بوزيه لمقاومة التجاعيد ريفيو كامل LA ROCH POSAY HYALU B5 FACE SERUM

سيروم لاروش بوزيه B5 لمقاومة التجاعيد LA ROCH POSAY HYALU B5 FACE SERUM

متابعات جميله كير، اتمني تكونوا بخير، النهاردة عملتلكم ريفيو كامل عن تجربتي مع سيروم لاروش بوزاي ب 5 المقاوم للتجاعيد وعلامات تقدم العمر، هعرفكم كل حاجة عنه عيوبه ومميزاته وفوائده وكمان اسعاره في الدول العربية، و ازاى تطلبيه من الأماكن الموثوقة.

هتعرفي امتى نتائجه بتظهر وطريقة استخدامه الصحيحة اللي هتحقق معاكي النتائج المرغوبة.

ولو عندك اي استفسار اكتبيه في الكومنتات وانا هرد عليكي.

سيروم لاروش بوزاي ب5 للتجاعيد LA ROCH POSAY HYALU B5 SERUM

منتجات شركة لاروش بوزيه الفرنسية من المنتجات المميزة بفاعليتها ونتائجها السريعة الظاهرة، واللي بيميز السيروم الخاص بالتجاعيد من لاروش بوزيه انه عبارة عن مجموعة كبيرة مركزة من الفيتامينات في عشان تحل أغلب مشاكل البشرة، ومناسب كمان من سن 20 سنة، وبيعوضك عن جلسات الخلايا الجذعية في العيادات اللي بتكون في أغلب الأحيان مؤلمة.

تعالي اقولك باقي مميزاته.

مميزات سيروم لاروش بوزاي ب5 للتجاعيد

• السيروم بيحافظ علي حمض الهيالورونيك في بشرتك واللي بيكون عامل أساسي في ترطيب ونعومة البشرة، وبيحفز فيتامين B5 لإصلاح خلايا البشرة ويسرع من انقسامها.
• بيساعد في مكافحة علامات التقدم في السن، وامتلاء بشرتك لأنه غني بمادة بولي أكريلو يدي ميثيل تورات اللي بتحسن من مظهر الجلد.
• بيحافظ علي نسبة الرطوبة في بشرتك لانه غني بمادة البروبيلين جليكول اللي هتحافظ على بشرتك من الجفاف.
• غني بمادة ثنائي الميثيكون اللي هتساعد بشرتك تكون خاليه من التلف لانه غني بمادة الجلسرين اللي بتقوي حاجز بشرتك وسمكها.
• بيقشر طبقات خلايا الجلد الميتة لأنه غني بأحماض الكابريليك الكابريك اللي بتساعدك كمان على إنتاج خلايا جديدة.
• مش هيسبب لبشرتك أي احمرار أو التهاب لأنه بيحتوي على مادة ماديكاسوسيد اللي بيحمي بشرتك من التهيج.
• بيحافظ علي عمر بشرتك من تقدم السن لأنه غني بمادة هيالورونات الصوديوم اللي بتساعد على حفظ الماء في بشرتك وتأخر من ظهور التجاعيد و بتشتغل على امتلاء البشرة وترطيبها.

بالنسبة لعيوبه

• سعره غالي نسبيًا بالنسبة للمنتجات للمنتجات الأخرى، ولكن يعتبر من افضل المنتجات للعناية بالبشرة.
• العبوة حجمها صغير الى حد ما وغالبًا هتحتاجي أكثر من عبوة عشان توصلي للنتيجة المرغوبة.
• مينفعش تستخدميه لمنطقة حول العين.

سعره في الدول العربية

بتتفاوت أسعاره في الدول العربية واحيانًا بيكون غير متواجد باستمرار

في السعودية 212 ريال

الإمارات 212 درهم

الكويت 16.96 دينار

البحرين 21.20 دينار

عمان 27.17 ريال

في مصر 519 جنية رابط الشراء في مصر عن طريق الفيسبوك

نتائجه

يفضل تتابعي مع خبيرة الجلدية والتجميل عشان تعرفك طريقة الاستخدام المناسبة ليكي و لحالتك لمحاربة التجاعيد وتتابع معاكى خلال فترة الكورس لحد ما توصلي للنتيجة المرغوبة.

• من اول اسبوع استخدام للسيروم هتلاحظي فرق في ترطيب ونعومة بشرتك.
• خلال اسبوعين من الاستخدام يعطيكي نتيجة في امتلاء ونضارة البشرة.
• من تالت اسبوع بشرتك هتتشد وتبقي منوره اكتر من الاول وهيزيد نعومتها.
• مع مرور 45 يوم من الاستخدام المنتظم بشرتك هتكون صافية وخالية من الخطوط الرفيعة ويقلل من مظهر التجاعيد.

ريفيوهات عائلة جميلة كير

دي ريفيوهات عميلات جميلة كير المتابعات مع خبيرات الجلدية والتجميل, وكان أغلبهم بيستخدموه مع كورسات علاج التجاعيد.

طريقة استخدام سيروم لاروش بوزيه للتجاعيد

1. اغسلي وجهك بالغسول المناسب لبشرتك وجففيه بفوطة قطنية ناعمة.
2. افتحي عبوة السيروم واستخدمي القطارة بوضع 1 ملي مقسم على الوجه.
3. بعد كده دلكي بشرتك بلطف في اتجاه عكس الجاذبية الأرضية.
4. استخدميه مرتين يوميًا مرة صباحًا ومرة مساءً.