بيوديرما سينسيبيو فورت كريم للبشرة الحساسة والمحمرة bioderma sensibio forte
متابعات جميله كير، عاملين ايه، عملتلكم النهاردة ريفيو كامل عن بيوديرما سينسيبيو فورت كريم للبشرة الحساسة والمحمرة، وهو عبارة عن كريم علاجي للبشره الحساسه والمتهيجه من انتاج شركة bioderma الفرنسية، هعرفكم كل مميزاته وكمان عيوبه والمواد الاساسية اللي موجودة فيه.
وهقولك علي سعره في الدول العربية وايه الأماكن المضمونه اللي تقدري تطلبيه منها.
وهعرفك نتائجه امتى هتظهر معاكي, وجمعتلكم ريفيوهات كل عملاء جميله كير المتابعات مع خبيرات الجلدية والتجميل، وكمان الطريقه الصحيحه لاستخدامه.
ولو عندك أي سؤال اكتبيه في الكومنتات وانا هرد عليكي.
بيوديرما سينسيبيو فورت كريم للبشرة الحساسة والمحمرة bioderma sensibio forte
منتجات شركة بيوديرما الفرنسية من أكثر المنتجات المميزة في علاج البشرة ومشاكلها.
بيوديرما سينسيبيو فورت كريم للبشرة الحساسة والمحمرة حاصل على براءة اختراع عن مادة toluidine اللي بتعمل على علاج احمرار والتهاب البشرة الحساسة بشكل فوري ودائم، وبيساعد الجلد يكون قادر على تحمل العوامل الخارجية المؤذية.
بيحتوي على المركب الطبيعي D.A.F الحاصل على براءة اختراع وهي تركيبة جلدية متقدمة بتخلي البشره أقل حساسية.
تعالى اقولك باقي مميزاته.
مكونات بيوديرما سينسيبيو فورت كريم للبشرة الحساسة والمحمرة
مميزات بيوديرما سينسيبيو فورت كريم للبشرة الحساسة والمحمرة
- هيساعد بشرتك الحساسة انها تبقي اقوي ضد أي أضرار خارجية ويقلل من احمرارها وحساسيتها لأنه بيحتوي على مادة toluidine.
- بيقوي حاجز البشرة ويخليها اكثر ليونه ونعومه ودا بفضل مادة الالنتوين.
- بيعالج جفاف بشرتك اللي بيسبب التهيج في الجلد لأنه بيحتوي على مادة شمع العسل و مادة إكسيليتول.
- بيحتوي علي تركيز عالي من ماده الإينوكسولون الي بتعمل علي تقليل حراره بشرتك الناتجه عن فرط التحسس والاحمرار.
- كمان من اهم مميزاته انه بيستخدم لعلاج الالتهابات بعد الحلاقة عند الرجال.
- وتقدري تستخدميه بعد جلسات الليزر لانه يعمل علي تهدئة والتئام الجروح الناتجة للتعرض المستمر لليزر.
أما بالنسبة لعيوبه
- العبوة حجمها صغير 40ملي، وغالبًا هتحتاجي أكثر من عبوة لأستمرارية استخدامه.
- سعرة غالي نسبيًا بالنسبة لحجمه، و لكن لانه مميز و نتائجة مضمونة.
- مينفعش تستخدميه في منطقة حول العين.
اسعاره في الدول العربية
بتفاوت الأسعار في الدول العربية، كالآتي:
في السعودية 165 ريال
الإمارات 165 درهم
الكويت 13.29 دينار
البحرين 16.59 دينار
عمان 10.52 ريال
في مصر 319 جنية رابط الشراء في مصر عن طريق الفيسبوك
نتائج بيوديرما سينسيبيو فورت كريم للبشرة الحساسة والمحمرة
يفضل تتابعي الاستخدام مع خبيرة الجلدية والتجميل، عشان تعرفك الطريقة المناسبة ليكي و لمشكلتك روتين يومك.
- من اول يوم استخدام بتلاحظي ترطيب واضح في بشرتك.
- خلال اول اسبوع استخدام بيعالج احمرار وتهيج البشرة.
- بعد كده هتلاحظي فرق كبير في بشرتك من ناحية مقاومتها وعدم تحسسها بشكل سريع.
ريفيوهات عائلة جميلة كير
دي ريفيوهات عميلاتنا المتابعات مع خبيرات الجلدية والتجميل.
طريقة استخدام بيوديرما سينسيبيو فورت كريم للبشرة الحساسة والمحمرة
- اغسلي بشرتك كويس بالغسول المناسب ليها.
- وبعد كده خدي كميه قليله من الكريم ووزعيها على بشرتك.
- دلكي الكريم بلطف على بشرتك لحد ما تتاكدي ان بشرتك شربت كل الكميه.
- تقدري تستخدميه مرتين في اليوم مره صباحًا ومره مساءً.
عادى استخدمه بمنطقة تحت العين
لا حبيبتي ممنوع استخدامه بمنطقة تحت العين