غسول فيشي نورماديرم للبشرة الدهنية ريفيو كامل Vichy Normaderm Cleanser Gel

بواسطة : Norhan Saeed
تعليقات 6
غسول فيشي نورماديرم للبشرة الدهنية ريفيو كامل Vichy Normaderm Cleanser Gel

غسول فيشي نورماديرم للبشرة الدهنية Vichy Normaderm Cleanser Gel

متابعات جميله كير، اتمنى تكونوا بخير، زي ما احنا عارفين ان كل نوع بشرة بيحتاج الغسول المناسب ليه عشان نوصل للنتائج المرغوبة وخصوصًا البشرة الدهنية والمختلطة، وعشان كدا متوفر انواع كتير من الغسولات المختصة بالبشرة الدهنية والمختلطة ولكن قليل لما يكون في منتج فعال بدرجة كبيرة.

عشان كدة عملتلكم ريفيو كامل عن تجربتي مع غسول فيشي نورماديرم للبشرة الدهنية الحساسة والبشرة المختلطة، هعرفكم كل حاجة عنه مميزاته وعيوبه واسعاره في الدول العربية.

وكمان جمعتلكم آراء عائلة جميلة كير بعد استخدامه، وهعرفك نتائجه بتظهر في وقت قد ايه وازاى تقدري تستخدميه بالطريقة الصحيحة اللي توصلك للنتائج الفعالة.

ولو عندك اي استفسار اكتبيه في الكومنتات وانا هرد عليكي.

غسول فيشي للبشرة الدهنية Vichy Normaderm Cleanser Gel

منتجات شركة فيشي الفرنسية العالمية هي منتجات مجربة و معروفة بفاعليتها القوية، واللي ببيميز غسول فيشي نورماديرم للبشرة الدهنية عن اي غسول جيل تاني انه مخصص للبشره الدهنيه والمختلطه، ومع ذلك خفيف على بشرتك وده يخليه بينقي ومنظف للبشرة من البكتيريا من غير ما يسبب ليها جفاف.

كمان هو مش بس مجرد غسول للبشرة، ولكن مفعولة ثلاثي 3×1 يعمل كغسول و مقشر و منظم لإفراز الدهون في البشره.

تعالي اقولك باقي مميزاته.

مميزات غسول فيشي نورماديرم للبشرة الدهنية

  • يرطب بشرتك بشكل قوي لانه غني بمادة الجلسرين اللي بتساعد على نعومة الجلد وحمايته من الجفاف.
  • بيساعدك على تقشير خلايا الجلد الميت لان غني بأحماض مقشرة فيه حمض السالسليك اسيد اللي هيساعد بشرتك على إنتاج وتجديد خلايا البشرة.
  • ينظم إفراز الدهون وهيساعد بشرتك تكون صافية خالية من الحبوب تحت الجلد لانه بيحتوي على مادة الزنك بي سي المسؤولة عن تنظيم الغدد الدهنية.
  • غني بمادة بوتيلين جلايكول اللي على البشرة تكون نضرة ومشرقة وخالية من الشوائب.
  • بيخلص البشرة من البهتان وعلامات الإرهاق لأنه بيحتوي على مادة غلوكوزيد اسكوربيل اللي بتحمي بشرتك من الشحوب.
  • يقوي حاجز البشرة ويحسن من نسيج بشرتك لانه غني بمادة أكريليت الصوديوم اللي هتزود الجلد نعومة.

بالنسبة لعيوبه

  • مينفعش تستخدميه لو بشرتك جافة لأنه بيمتص الدهون فهيزود من جفاف بشرتك.
  • سعره غالي نسبيًا عن باقي الغسولات ولكن لأنه فعال ويوصي به اغلب الاطباء.

سعره في الدول العربية

بتتفاوت اسعار غسول فيشي نورماديرم للبشرة الدهنية في الدول العربية، واحيانًا بيكون غير متواجد باستمرار

في السعودية 140 ريال

الإمارات 140 درهم

الكويت 8.94 دينار

البحرين 14.06 دينار

عمان 14.37 ريال

للإستعلام عن المنتج في الدول العربية او التحدث مع أخصائية التجميل إضغطي علي الواتساب
أخصائية التجميل

في مصر 245 جنية رابط الشراء في مصر عن طريق الفيسبوك

نتائجه

يفضل تتابعي الاستخدام مع خبيرة الجلدية والتجميل عشان تعرفك الروتين المناسب ليكي وتتابع استخدامك بالطريقة اللي تناسب حالتك.

  • من اول استخدام هتلاحظي ان بشرتك خالية من الدهون والشوائب والبكتيريا.
  • خلال اول اسبوع استخدام بشرتك هتكون نضرة ومشرقة وتتخلصي من الشحوب والبهتان.
  • مع الاستمرار عليه هيقلل من البكتيريا المسببه لحبوب الشباب، و يساعد البشرة على خروج كل الحبوب الموجودة تحت الجلد للسطح.

ريفيوهات عائلة جميلة كير

دي ريفيوهات عميلاتنا المتابعات مع خبيرات الجلدية والتجميل، وازاى كانوا بيحسوا بالتغير والراحة بعد استخدامه.

طريقة استخدام غسول فيشي للبشرة الدهنية

  1. بللي ايدك بالماء الفاترة وخذي الكمية المناسبة ليكي من الغسول.
  2. دلكي ايدك اكتر لحد ما تكون عبارة عن رغوة.
  3. وزعي الرغوة على وجهك واغسلي بيها لمدة 3 ثواني.
  4. اغسلي وجهك بالماء الفاتر جيدًا وجففيه بفوطة قطنية ناعمة.
  5. يستخدم مرتين يوميًا مرة صباحًا ومساءً.
هذه المقالة
بواسطة Norhan Saeed خبيرة ازالة الشعر بالليزر و طرق علاج البشرة بأجهزة الليزر الحديثة و المنزلية
اضف تعليق
25 أحبو المقال

التعليقات (٦)

  1. ٦
    زائرة

    يسبب في جفاف البشرة

    • ٥
      Norhan Saeed

      لا حبيبتي هو مو بيجفف البشرة
      بيعمل على تنظيم الافراز الدهني يعني يزيل الدهون الزائدة و يحافظ على رطوبة و نعومة بشرتك

  2. ٤
    زائرة

    بشرتي عاديه مائلة للجافه فيني استخدمه

    • ٣
      Norhan Saeed

      يفضل استخدام غسول خاص بالبشرة العادية او الجافة ويكون غسول طبيعي

  3. ٢
    زائرة

    الغسولات اللي استخدمها تخرجلى حبوب و تزيدها كل مرة
    ابغي اعرف هل فعلا يعالج الحبوب

    • ١
      Norhan Saeed

      اي حبيبتي بيعالج الحبوب مع استخدامك اله والمحافظة عليه

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>