سيروم افين للتجاعيد ريفيو كامل Avène PhysioLift Sérum

سيروم افين للتجاعيد Avène PhysioLift Sérum

متابعات جميلة كير، عاملين ايه، النهاردة عملتلكم ريفيو كامل عن تجربتي مع سيروم افين فيزولفت لمكافحة علامات تقدم السن، و زي ما طول الوقت بندور على المنتج المختلف في الفاعليه ويكون نتايجه سريعه وقويه وسعره مناسب، جبتلكم النهارده سيروم افين مالئ وملين للبشرة، بيحل مشاكل كتير مهمه ممكن تكون إلى حد ما صعب علاجها من غير حقن.

هتعرفي مميزاته وعيوبه واسعاره المختلفة في الدول العربية، وهعرفك الفترات اللي بتظهر فيها النتائج المرضيه ليكي، وطريقة استخدامه الصحيحة اللي هتوصلك للنتائج بالشكل الصحيح.

ولو عندك اي سؤال اكتبيه في الكومنتات وانا هرد عليكي.

سيروم افين لمكافحة علامات تقدم السن Avène PhysioLift Sérum

منتجات شركة افين الفرنسية للتجاعيد من المنتجات المميزة واللي ليها شعبيه لعلاج مشاكل البشرة المختلفة، وده لأنها بتتميز بأحتوائها على مواد وزيوت كتير مفيده ومغذيه للبشره.

واهم ما يميز سيروم افين للتجاعيد انه ينعم التجاعيد ويشد الجلد بشكل قوي عكس المنتجات الأخرى، وهو ينصح بيه الأطباء وخبراء التجميل بسبب نتايجه الفعالة بدون التعرض للجراحة، بالاضافة الى انه مالوش أي آثار جانبية.

تعالي اقولك باقي مميزاته.

فوائد ومميزات سيروم افين لمكافحة علامات تقدم السن

• مش مجرد سيرم ينعم التجاعيد ويشد الجلد ومرطب للبشرة، كمان بيساعد على تهدئة وإزالة مشكلة حب الشباب السيروم فهو يعتبر مزدوج المفعول وايضًا يقلل من علامات التعب.
• قوي في الترطيب بشكل فعال لأنه بيحتوي علي مادة الميثيكون، وهي مادة لتقوية حاجز بشرتك بشكل إضافي بتساعد على منع الرطوبة من الخروج من الجسم.
• بيساعد بشرتك على التخلص من البكتيريا المسببة لحب الشباب لأنه يحتوي علي ماده الفينوكسي إيثانول اللي بتساعدها تكون صافيه وخاليه من الحبوب والشوائب.
• هيحافظ علي نضارة بشرتك ويعيد بنائها ويصحح التجاعيد العميقة لانه غني بمستخلص اسكوفيلم نودوسوم، يمتاز بتركيبة مرطبة الغنية بالمعادن المهمه زي البوتاسيوم والفسفور والطحالب الحمراء الي هترجعلك بشرتك منوره وصحيه وبتقلل من الخطوط الرفيعة ويصحح التجاعيد العميقة بالجلد.
• مزيج من الاحماض الاوليه بينعم البشرة ويديها مرونة لاحتوائه على مادة الكابريك الدهون الثلاثية الغنية بزيت جوز الهند المفيد لتقوية حاجز البشرة وعلاج علامات التعب.
• بيحفز مادة الكولاجين لان السيروم غني بمادة أسيتات توكوفيريل، الغنية بفيتامين (هـ) وفيتامين ( أ ) وهي مواد مضاده للاكسده.
• يحمي بشرتك من أشعة الشمس الفوق بنفسجية لأنه غني بمادة ثاني أكسيد التيتانيوم اللي بتححمي بشرتك من التصبغات، وينشط نشاط الخليه ويجعلها تعمل بشكل افضل.
• يصلح لجميع أنواع البشرة، حتى يمكن تحمله من قبل البشرة الحساسة.

بالنسبة لعيوبة

• العبوة حجمها صغير 30 ملي، وغالبًا هتحتاجي أكثر من عبوة لاستمرارية العلاج.
• سعره اغلى نسبيا من باقي المنتجات المنافسة ليه ودا لانه يعتبر الأفضل بينهم.

سعره في الدول العربية

بتتفاوت الأسعار في الدول العربية من دولة لأخرى كالآتي:

في السعودية 231 ريال

الإمارات 231 درهم

الكويت 18.48 دينار

البحرين 23.10 دينار

عمان 14.03 ريال

 في مصر 465 جنية رابط الشراء في مصر عن طريق الفيسبوك

نتائجه

يفضل تتابعي الاستخدام مع خبيرة الجلدية والتجميل عشان تقدر تحددلك الطريقة المناسبة ليكي و روتين يومك.

• من أسبوع استخدام هتلاحظي ترطيب قوي وليونه لبشرتك.
• خلال او ثلاث اسابيع هتوصلي لنضارة في بشرتك وهيقضى على بهتان لونها.
• اول 45 يوم هتكون بشرتك خاليه من الحبوب ويشد الخطوط الرفيعة وهتلاحظي الفرق عن الاول.
• مع الاستمرار عليه هيقوي حاجز البشرة ويجعلها محافظة على عمرها من التجاعيد.

ريفيوهات عائلة جميلة كير

دي ريفيوهات عميلاتنا المتابعات مع خبيرات الجلدية والتجميل، وكان أغلبهم بيستخدموه ضمن كورس علاج التجاعيد.

طريقة استخدام سيروم افين لمكافحة علامات تقدم السن

1. اغسلي وجهك بالمياه الفاتره والغسول المناسب لنوع بشرتك.
2. جففي وجهك كويس من الماء بفوطة قطنية ناعمة.
3. خذي بامب واحدة من السيروم ووزعيها بالتساوي على وجهك و الرقبة.
4. دلكيه بحركات دائرية عكس اتجاه الجاذبية الأرضية.
5. استخدام السيروم من مره لمرتين يوميًا.