مقشر بيل كلينك – افضل مقشر للوجه ريفيو كامل واسعاره Bel Clinic PERFECTLY GOMMAGE

بشرة ناعمة خالية من المشاكل مع مقشر بيل كلينك الخالي من المواد الكيميائية.

متابعات جميله كير, اتمنى تكونوا بخير, عملت النهاردة ليكم ريفيو كامل عن تجربتي مع مقشر بيل كلينك, وهو منتج فعال في أكثر من وظيفة لعلاج البشرة هعرفكم كل الوظائف اللي بيقوم بيها ومميزاته وكمان عيوبه.

وجمعتلكم تجارب عميلات جميلة كير المتابعات مع خبيرات الجلدية والتجميل.

هتعرفي اسعاره في الدول العربية, وامتى نتائجه بتظهر معاكي, وطريقة الاستخدام الصحيحة ليه اللي هتوصلك لنتائج كويسة.

تابعي المقالة للآخر ومستنية استفساراتكم في الكومنتات.

مقشر بيل كلينك بيرفكتلي جوماج Bel Clinic PERFECTLY GOMMAGE

منتجات بيل كلينك الاسبانية هى من المنتجات المميزة في علاج مشاكل البشرة, واللي بيميز مقشر بيل كلينك بيرفكتلي جوماج عن اي مقشر تاني انه خالي تمامًا من اي مواد كيميائية ممكن تأذي بشرتك.

معظم الدكاتره وخبراء التجميل بينصحوا بيه عشان بيساعد البشرة التخلص من مشاكل كتير بطريقه آمنه وصحيه عليكي من غير ضرر بفاعلية احماض الفواكة.

تعالي اقولك باقي مميزاته.

مميزات مقشر بيل كلينك

• مقشر بيل كلينك بيعمل على تفتيح لون البشرة بشكل ملحوظ وبيقضي على اي تصبغات ناتجة عن الشمس, لأنه سكراب بيحتوي على حمض الكاربابول اللي هيساعدك في توحيد لون بشرتك.
• بيعزز من مرونة وليونة طبقة البشرة الخارجية بفاعلية زيت البرافين اللي هيقضي على مشكلة الجفاف في بشرتك.
• بيديكي نضارة وحيوية واضحة مع الاستخدام, وكمان بينشط الدورة الدموية وبيجدد خلايا بشرتك باستمرار.
• كمان هيقوي حاجز البشرة عندك ويحميها من اشعة الشمس لان فيه ماده التاتينيوم دوكسايد.
• هتتخلصي مع مقشر كلينك من حب الشباب وآثاره مع كريم تقشير الوجه من غير ما بشرتك تبقي جافة لأنه غني بمستخلص الكاموميل.
• بينظف مقشر كلينك مسام بشرتك بعمق لان فيه مقشر متعدد الأحماض بوليسوربات اللي كمان بيكافح التجاعيد وينعم البشرة.
• مقشر bel clinic مناسب لجميع أنواع البشرة حتى البشرة الحساسة, لأنه سكرب عبارة عن كريم احماض فواكة مش حبيبات, يعني مش هيسببلك اي التهاب للبشرة.
• مقشر الوجه تقدري تستخدميه للجسم, ولكن من الافضل عدم استخدامه للمناطق الحساسة.

بالنسبه لعيوبه

• سعره غالي نسبيًا بالنسبة للمنتجات الاخري.
• يفضل متستخدميش مقشر بيل كلينك مع المناطق الحساسة، واستخدمي مقشر خاص بالمناطق الحساسة فقط.

سعر مقشر بيل كلينك جوماج في الدول العربية

بيتفاوت سعر bel clinic gommage مقشر كلينك فى الدول العربيه واحيانًا بيكون غير متواجد باستمرار

في السعودية 124 ريال

الإمارات 124 درهم

الكويت 9.92 دينار

البحرين 12.40 دينار

عمان 15.91 ريال

فى مصر 245 بدل 350 جنية رابط الشراء في مصر عن طريق الفيسبوك

نتائج افضل مقشر للوجه

يفضل انك تتابعي استخدام مقشر كلينك مع خبيرة الجلدية والتجميل, عشان تعرفك الطريقة المناسبة لروتين يومك وتتابع معاكي النتائج خطوة بخطوة.

• افضل مقشر للبشرة الدهنية يساعد على التخلص من الجلد الميت في البشرة وتجديد خلايا بشرتك من تاني اسبوع استخدام.
• مقشر الوجه بيفتح لون البشره و بتلاحظي نضارة و اشراقة بشرتك في خلال شهر من الاستخدام المنتظم.

ريفيوهات عائلة جميلة كير

دي ريفيوهات عميلاتنا المتابعات مع خبيرات الجلدية والتجميل, وكان أغلبهم استخدموه مع كورس العناية بالبشرة الدهنية.

طريقة استخدام مقشر بيل كلينك

1. الأول هتغسلي وجهك كويس بالغسول المناسب لنوع بشرتك, وجففيه بمنشفة قطنية ناعمة.
2. خدي الكميه المناسبه ليكي من كريم تقشير الوجه, ووزعيها على بشرتك مع تفادي منطقة حول العين.
3. سيبيه على البشرة من 20 ل 30 دقيقه.
4. بعدها قشرية بأيدك مع عمل مساج للبشرة.
5. اغسليه كويس بالماء الفاتر.
6. هتستخدميه مرتين اول اسبوع وبعد كدا مرة في الأسبوع.