كريم بيزلين للتفتيح الليلي – ريفيو كامل واسعاره Beesline whitening lifting night cream

افضل كريم ليلي لتغذية وتفتيح البشرة، كريم بيزلين للتفتيح الليلي.

متابعات جميلة كير, يارب تكونوا بخير, النهاردة عملتلكم ريفيو كامل عن تجربتي مع كريم الليل من بيزلين لتفتيح الوجه,هقولكم على المواد الفعالة اللى بتميزة عن أي كريم تانى للعناية الليلية, وهنتكلم عن عيوبه ومميزاته واسعاره فى الوطن العربى.

وجمعت ليكم آراء العملاء على مستوى العالم, وهنتكلم عن نتائجه اللى ممكن يحققها لو استخدمتيه بالطريقة اللى هقولكم عليها والأماكن اللى تشتروا منها وانتم مطمنين.

تابعوا الريفيو للآخر, وهتستنى استفساراتكم.

كريم بيزلين للتفتيح الليلي Beesline whitening lifting night cream

اللي بيميز شركة بيزلين اللبنانيه انها بتنتج منتجات علاجية للبشرة من مواد طبيعية مستخلصة من عسل النحل, زي مادة بولي فينول polyphenols, واللي ليها أثر فعال فى حماية بشرتك من علامات تقدم السن.

أهم اللي بيميز بيزلين كريم التفتيح الليلي عن أي كريم تانى, انه بيشد بشرتك بالاضافة للتفتيح والترطيب, وهو فعال لتغذية الوجه يعني بيعمل ثلاث وظائف مهمة جدا للبشرة وده نادرًا لما يكون موجود في كريم واحد.

مكونات كريم بيزلين للتفتيح الليلي

فوائد كريم الليل من بيزلين

• الكريم الليلي بيفتح لون بشرتك بأمان لأنه بيحتوى على مادة لوميكسن lumiskin, واللي ليها دور فعال فى تفتيح البشرة عن طريق تنظيم إنتاج خلايا الميلانوسيت المسئولة عن لون البشرة.
• بيزلين كريم مفتح للعناية الليلية يقاوم التجاعيد ويصححها وهيقضي على الخطوط التعبيرية ودا بفاعلية مادة ماتركسيل matrixyl, لأنه بيحفز إنتاج الكولاجين المسئول عن نضارة وامتلاء بشرتك مؤخر للتجاعيد.
• لو انتى بشرتك حساسة تقدرى تستخدمي كريم بيزلين للتفتيح الليلي مش هيسببلك أي مشكلة عشان بيحتوي على خلاصة اللبان olibanum, اللي ليها خواص مهدئة للالتهاب وبتحمى خلايا بشرتك من التلف.
• مش بيحتوي كريم بيزلين الليلي على أي مواد ممكن تسببلك التهاب أو حساسية لبشرتك زى الهيدروكينون وحمض الكوجيك والكحول والبارابين.
• موجود فيه مادة بولي فينول polyphenols المستخلصة من شمع النحل وهى مادة مضادة للأكسدة, بتحمي بشرتك من علامات التقدم فى السن والإرهاق.
• كريم بيزلين الليلي لتفتيح البشرة مناسب لكل أنواع البشرة.

بالنسبة لعيوبه

• عبوة كريم بيزلين للتفتيح الليلي حجمها صغير 50ملى غالبًا هتحتاجي اكتر من عبوة علشان توصلي للنتيجة المطلوبة.
• مينفعش تستخدمي كريم بيزلين الليلي في الصباح لأن موجود فيه مواد مفتحه يفضل متتعرضش للضوء.

سعر كريم بيزلين الليلي في الدول العربية

بيتفاوت سعر كريم بيزلين للتفتيح الليلي في الدول العربية, واحيانًا بيكون غير متواجد باستمرار

في السعودية 99 ريال

الإمارات 99 درهم

الكويت 7.92 دينار

البحرين 9.90 دينار

عمان 13.55 ريال

في مصر 395 جنية رابط الشراء في مصر عن طريق الفيسبوك

نتائجه

قد تتفاوت نتائج بيزلين كريم الليل على حسب نوع بشرتك ونوع المشكلة اللى موجودة عندك.

•  خلال اسبوعين من الاستخدام اليومي هيديكى ترطيب وليونة لبشرتك.
• فى خلال 21 يوم هيساعدك فى تفتيح بشرتك ويعالج آثار الحبوب.
•  خلال شهر من الاستخدام المتواصل هيقلل من مظهر الخطوط التعبيرية اللى موجودة فى بشرتك ويشدها.
• عشان توصلي لنتائج سريعة و ملحوظة يفضل استخدامه مع كورس التفتيح او كورس علاج التجاعيد.

ريفيو كريم بيزلين للتفتيح الليلي من عائلة جميلة كير

دي ريفيوهات عملاء جميلة كير المتابعات مع خبيرات الجلدية والتجميل،

طريقة استخدام بيزلين كريم العناية الليلي ثلاثي المفعول

بيفضل دايمًا تتابعي مع خبيرة الجلدية والتجميل اللي هتساعدك في استخدام بيزلين كريم مفتح للعناية الليلية الصحيح طول فترة العلاج, وتتابع معاكي النتائج خطوة بخطوة.

1. غسل الوجه بالغسول المناسب ويشطف بالماء الفاتر وليس الساخن.
2. هتستخدمى تونر مناسب لنوع بشرتك لقبض المسام.
3. هتاخدى كمية صغيرة من الكريم.
4. بيتم وضعه على منطقة الوجه والرقبة.
5. هتوزعي الكريم على الوجه والرقبة بعكس اتجاه الجاذبية ومن منطقة الخدود من الداخل الى الخارج مع تفادي منطقة العين.
6. يستخدم الكريم قبل النوم في المساء.
7. ولو عندك اى سيرم للبشرة غني بالفيتامينات (ِA,C,E) يفضل استخدامه قبل كريم الليل من بيزلين هيديكى تأثير مضاف لبشرتك.