تفتيح و تبييض المناطق الحساسة بأفضل منتجات علاجيه متجربه

بواسطة : Asmaa Adel
التعليقات: 0

متابعين جميلة كير يارب تكونوا بخير.

هتكلم معاكم دلوقتي عن المشكلة رقم 1 بالنسبالنا كبنات, مشكلة تفتيح المناطق الحساسة (البكيني وتحت الإبط).

بنات كتير تواصلوا معانا وقالولنا ان المشكلة دي بتضايقهم, و انهم بيبقوا عارفين المسببات للإسمرار و بيحاولوا يتجنبوها و برغم كده بتظهرلهم.

و كمان قد ايه بيبقوا حريصين عند استخدام أي منتجات في المناطق الحساسة.

هتعرفي دلوقتي ايه هي أسباب إسمرار المنطقة الحساسة, و ازاي نفتح منطقة البكيني او تحت الإبط من غير ما نضرهم, و إمتى تبدأي في استخدام علاج تفتيح المنطقة الحساسة, و ايه افضل كورس مناسب وآمن لعلاج المشكلة, و كمان ليه اختارنا الكورس دة انه يكون انسب علاج تبييض المناطق الحساسة, و طريقة استخدامه لأنها اهم نقطة في علاج المشكلة.

يعني هتلاقي هنا كل حاجة انتي محتاجة تعرفيها عن تفتيح و تبييض المنطقة الحساسة.

 

ايه مشكلة إسمرار المناطق الحساسة و إزاي بتظهر؟

 

مهم جدا انك تكوني عارفه ان في عوامل أساسية بيأثروا على سواد المناطق الحساسة.

أولاً زيادة مادة الصبغة اللي بتنتجها خلايا الميلانين (melanocytes) المسؤولة عن لون البشرة.

خلايا الميلانين بتفرز مادة اللون بصورة قوية علشان تحمي الجلد, و ده بيحصل لما الجلد بيحس ان في خطر خارجي زي مثلا ارتفاع في درجة الحرارة او وجود التهاب في المنطقة الحساسة.

و الخلايا دي بيفضل إنتاجها زيادة لحد ما انتي تستخدمي منتج يرجع إنتاج خلايا الميلانين لوضعها الطبيعي.

 

ثانياً هي الشوائب اللي بتظهر على الطبقات الخارجية للبشرة, و اللي بيبقى سهل إزالتها مع ازالة خلايا الجلد الميتة. 

 

ثالثاً لو حصل خلل في التوازن الحمضي للمناطق الحساسة. 

درجة الحموضة بتفرق جدا في الجلد, يعني مثلا درجة حموضة المنطقة الحساسة 3.8 بخلاف باقي الجسم بتبقى درجتها 5.5 على مقياس الحموضة والقلوية, و لو درجة الحموضة دي اختلفت سواء زادت او نقصت, ف دة بيأثر على النشاط البكتيري في المنطقة دي.

و ده ممكن يسبب التهابات شديدة واسمرار و أحيانا تجاعيد, علشان كدة لازم نحافظ على درجة الحموضة 3.8 في المنطقة الحساسة علشان نتفادى ظهور مشاكل زي دي.

 

نيجي بقى للأسباب الإسمرار, سواء اللي بتزود إنتاج الصبغة أو اللي بتعمل شوائب في منطقة البكيني او تحت الإبط.

 

أسباب إسمرار المناطق الحساسة (منطقة البكيني ومنطقة تحت الإبط)

الإسمرار بيحصل بسبب عوامل كتير و اغلبها بيكون عادات سلبية بنعملها و احنا منعرفش ان دة ممكن يسبب إسمرار فيما بعد.

  • طرق إزالة الشعر الغير صحية:

استخدام الشيفنج (الشفرات) و الكريمات من اكتر طرق ازالة الشعر اللي بتسبب اسمرار المنطقة الحساسة, و أأمن طريقة لإزالة الشعر اللي متأثرش على التصبغ هي استخدام (السويت), و الامتناع عن إزالة الشعر بيزيد من فرصة ظهور اسمرار.

  • الملابس الداخلية الغير مناسبة:

ارتدائك للملابس الداخلية المصنوعة من الياف البولي-إستر او الدانتيل بتأثر جداً على اسمرار المنطقة الحساسة و خصوصا لو كانت ضيقة, وافضل ملابس داخلية ممكن تستخدميها هي الملابس القطنية.

  • مستحضرات تجميل غير مناسبة لمنطقة البكيني:

مستحضرات التجميل الغير مناسبة لمنطقة البكيني زي مزيلات العرق وكريمات التفتيح او الحاجات اللي بترطب ممكن تسببلك التهابات او حبوب, و اللي بدورهم بيأدوا بطريقة غير مباشرة لإسمرار منطقة البكيني.

  • مضادات التعرق في منطقة تحت الإبط:

استخدام لمضادات التعرق اللي بتقفل القنوات العرقية بسبب أن فيها مادة (المنيوم كلورايد), ممكن جدا يكون سبب غير مباشر لحدوث اسمرار في منطقة تحت الإبط.

وده بسبب انك بتحبسي سموم البشرة اللي المفروض تخرج في هيئة عرق, وده ممكن يسبب خلل في كل الخلايا المحيطة بالغدة العرقية اللي اتحبس فيها العرق.

و الأفضل انك تستخدمي منتجات اللي مكتوب عليها Deodorant أو يكون مكتوب عليها Anti-Perspirant بس خاليه من (الالمنيوم كلورايد).

  • استخدام غسول المنطقة الحميمة بشكل خطأ:

زي ان الغسول مش متخفف بالقدر الكافي, أو انك تزودي في عدد مرات الاستخدام و انتي كدة بتبقى فاكرة انك بتنظفي المنطقة دي بزيادة.

بالعكس, انتي كده بتقضي على البكتيريا النافعه اللي بتبقى موجودة علشان تسيطر على درجة حموضة الجلد زي ما ذكرنا قبل كدة, و دة طبعا هيخلي درجة حموضة المنطقة متغير عن 3.8, و بالتالي هيأثر على الإسمرار.

  • الإكثار من الأطعمة المليئة بالبهارات:

لو كنتي من الأشخاص اللي بياكلوا أطعمة فيها بهارات كتير و خاصة في فصل الصيف, لأن دة بيزيد من العرق بشكل عام, و كمان ممكن يسبب بثور او حبوب, و اللي بتسبب شوائب على سطح البشرة.

  • قلة الاهتمام:

قلة اهتمامك بالمنطقة الحساسة و بعلاج المشاكل أول ما تظهر بيسبب زيادة حجم المشكلة بطريقة تخلي علاجها معقد واطول فيما بعد.

طيب بعد ما عرفنا الاسباب, هقولكم امتى بالظبط بقى نبتدي في تفتيح المناطق الحساسة زي البكيني او تحت الإبط (الاندر ارم).

 

امتى تبدأي في تبييض المناطق الحساسة (البكيني و تحت الإبط)

علاج تبييض المناطق الحساسة (البكيني و تحت الإبط) زيها زي اي مشكلة في البشرة, بتحتاج وقت علشان تتعالج بصورة نهائية.

و الوقت المناسب اللي تقدري توقفي فيه الكورس بيبقى في متوسط 45 يوم من الاستخدام المتواصل علشان تضمني ثبات النتائج على بشرتك, و طبعا المدة دي بتختلف من بشرة للتانية, و بتبقى على حسب:

  • الالتزام بالاستخدام.
  • قوة الإسمرار و فرق درجة لون المكان اللي محتاجه تفتحيه عن لون باقي الجسم الطبيعي.
  • لو مازلتي بتعملي العادات السلبية اللي قلنا عليها قبل كدة ولا بطلتيها.
  • استخدامك للكورس بالطريقة اللي تناسبك انتي خصوصًا, و ده اللي بتقدر تحدده الاخصائية اللي بتتابع الاستخدام معاكي, لأن دة اللي هيوصلك لتبييض الاماكن الحساسة بسرعة.
  • انك متوقفيش الاستخدام بمجرد ما توصلي للنتيجه اللي انتي كنتي بتحلمي بيها لأن الفترة اللي استخدمتي فيها الكورس ممكن متكونش كافي لتثبيت النتائج في البشرة.
  • استخدامك لمنتجات تانيه في وقت استخدامك للكورس, و اللي ممكن تأثر بالسلب على ظهور النتائج و استمراريتها على البشرة. 

علشان كده دايما بننصح في جميلة كير ان افضل وقت تعالجي فيه مشكلة تفتيح المنطقة الحساسة في اسرع وقت, هو أول ما تكتشفي إن درجة لون بشرتك في المنطقة دي اغمق من باقي لون جسمك.

و دة علشان المشكلة متكبرش و الفرق يكون اقوى, و في نفس الوقت علشان متبقيش مزنوقه في الوقت قبل المناسبة المهمة اللي انتي مستنياها.

و طبعا علشان منطقة البكيني وتحت الإبط من اكتر المناطق حساسية في الجسم, فلازم ناخد بالنا كويس اوي و احنا بنعالج اي مشاكل فيهم.

 

ازاي تعالجي تفتيح المناطق الحساسة بسرعة (تفتيح منطقة البكيني و تفتيح تحت الإبط) من غير ما تضريها

  • تستخدمي منتجات علاجية تشتغل على تفتيح المنطقة الحساسة, لأن المنتجات التجميلية (هتظهر نتيجتها بسرعة لكن النتائج دي هتختفي بمجرد انك توقفي الاستخدام مباشرة), و دي فكرة تبيض المناطق الحساسه في يوم واحد او في يومين او حتى في اسبوع اللي بتشوفيها في كل حته, علشان كدة لازملك كورس علاجي.
  • لازم توقفي العادات السلبية اللي ممكن تأثر على طرق تفتيح المناطق الحساسة العلاجية.
  • بمجرد ما تحسي بفرق حتى لو بسيط في درجة لون البشرة تبدأي في العلاج فورا.
  • تحددي الروتين اللي هتمشي عليه بعد ما تخلصي كورس تبييض المناطق الحساسة لأن الروتين هو اللي هيحافظ على النتائج و هيضمنلك استمراريتها.

و دلوقتي بقى هوضحلك ايه الكورس اللي اخترناه علشان يعالجلك مشكلة إسمرار المناطق الحساسة (تفتيح البكيني و تفتيح تحت الإبط)

 

أفضل كورس لعلاج مشكلة تفتيح المناطق الحساسة بأسرع وقت (البكيني وتحت الإبط)

الكورس عبارة عن حاجتين أساسيتين لـ تفتيح المناطق الحساسة (البكيني و تحت الإبط), و حاجة متغيرة (الديودرنت) و دي في حالة انك هتعملي تبييض تحت الإبط مش البكيني.

1- كريم تفتيح علاجي من اورانج دايلي بفيتامين سي Orange Daily Vit C Whitening Cream

اللي بيشتغل على تقليل إفراز خلايا الميلانين (melanocytes) بطريقة آمنة و فعالة, و من غير مايكون ليه اي اعراض جانبية, و اللي كمان مخصص للبشرة الحساسة سريعة الإلتهاب, و يعتبر هو افضل كريم تفتيح للمناطق الحساسة بسرعه و آمان في الصيدليه.(منتج أساسي)

2- غسول تفتيح المناطق الحساسة من بيزلين Beesline Whitening Intimate Wash

بيشتغل على تنظيف منطقة البكيني وتحت الإبط, و بيخلصك من البكتريا الضارة فقط و بيسيب البكتريا النافعه علشان تقوم بمهمتها, و مع الاستخدام بيقشر خلايا الجلد الميتة, و كمان بيساعد على تبييض المناطق اللي هتستخدميها عليها مع الكريم, و اهم حاجة انه بيرجع للمنطقة دي درجة الحموضة المناسبة ليها و هو المسؤول عن (التوازن الحمضي في كورس علاج المنطقة الحساسه).(منتج أساسي)

3- أخر حاجه المنتج المتغير و دة لو انتى عايزة تعملي تبييض في منطقة تحت الإبط.

  • ديودرنت تفتيح من بيزلين  Beesline Whitening Roll On Deodorant

مزيل العرق اللى هيخلصك من البكتريا المسببة لرائحة العرق بدون ما يسد القنوات العرقية زي ما قلنا قبل كدة, و اللي كمان هيساعد على تفتيح منطقة تحت الإبط او الاندر ارم.(منتج متغير)

 

سعر علاج تفتيح المناطق الحساسة (تفتيح منطقة البكيني و تفتيح تحت الإبط) في الدول العربية

تقدري تطلبيه في

السعودية 447.5 ريال

الإمارات 440 درهم

الكويت 38 دينار

البحرين 140 دينار

عمان 49 ريال

مصر 960 جنية

 

كدة يبقى الكورس علاج اسمرار المناطق الحساسة اللي بيشتغل على تبييض المناطق الحساسة (تفتيح البكيني و تفتيح تحت الإبط) بطريقة علاجيه و طبيعيه بالنسبالك إكتمل.

لأننا وفرنا المنتجات العلاجية المناسبة اللي صعب جداً يكون ليها آثار جانبية و اللي في نفس الوقت بتشتغل على تقليل إنتاج الخلايا اللي قلنا عليها وكمان تنظيف و تطهير المناطق الحساسة من البكتيريا الضارة فقط علشان تسيب البكتريا النافعه تقوم بشغلها.

النتائج كانت مضمونة بنسبة 97%, و دة لأن كورس تبييض المناطق الحساسة (تفتيح البكيني و تفتيح تحت الإبط) متجرب بالفعل مع كتير من العملاء بتوعنا, و النتائج بدأت تظهر معاهم من الأسبوع الثاني و طبعاً الإختلاف بسيط في النتائج, و دي بترجع لإلتزامهم بطريقة الإستخدام و توقيت الكورس.

بنات كتير قالوا انه افضل علاج لتبييض الاماكن الحساسة للعروسة, وانه افضل من طرق تفتيح الاماكن الحساسة اللي كلها وصفات منزليه, لأن الكورس اقوى بكتير من كل الوصفات اللي جربوها.

و كمان انه مش بيشتغل على تقشير المناطق الحساسه بشكل مباشر, لأن تقشير المناطق الحساسة ممكن يسبب التهابات و دة ممكن يزود سواد الاماكن الحساسة.

و طبعاً بنتابع الكورس معاكي من أول لحظة لغاية ما تبتدي توقفي الإستخدام ودة بنحددة وفقاً للنتائج اللي بتبقي راضية عنها.

تقدري تتواصلي مع أخصائية تجميل و جلدية من خلال رقمنا علي الواتساب و تحكيلها مشكلتك أو لو عايزة تستفسري أكتر عن العلاج.

 

طريقة إستخدام كورس علاج تفتيح المناطق الحساسه (تفتيح البكيني و تفتيح تحت الإبط)

طبعاً زي ما دايما بنقول إن طريقة الإستخدام بتختلف من شخص لآخر و بتتحدد على حسب النظام اليومي (Lifestyle) لكل شخص, بس إحنا ممكن نقول أساسيات إستخدام المنتجات في كورس تبييض المناطق الحساسة اللي كدة كدة هنطبقها وفقا لنظامك اليومي.

1- كريم تفتيح علاجي من اورانج دايلي بفيتامين سي Orange Daily Vit C Whitening Cream

كريم يستخدم مرة أو مرتين يومياً, يستخدم على خط البكيني والمنطقة الحميمة و تحت الإبط.

2- غسول تفتيح المناطق الحساسة من بيزلين Beesline Whitening Intimate Wash

غسول يستخدم مرة أو مرتين يومياً, على بشرة مبللة بالماء, مع عمل مساج لمدة دقيقة بالغسول ثم يشطف جيداً.

3- ديودرنت تفتيح من بيزلين  Beesline Whitening Roll On Deodorant

مزيل للعرق يستخدم مرة واحدة يومياً او مرة كل يومان, (على حسب كمية العرق).

 

كدة أنا وضحتلك أية هي مشكلة إسمرار المناطق الحساسة (تفتيح البكيني و تفتيح تحت الإبط).

و إزاي المشكلة دي بتظهر و أسباب ظهورها و إمتى بالظبط نبتدي نقول إننا محتاجين علاج لمشكلة تفتيح البكيني وتحت الإبط وإزاى تعملي تبييض من غير ما تضري بشرتِك.

و عرفنا كمان أفضل كورس لعلاج مشكلة تبييض المنطقه الحساسة و نتائجه مع العملاء وأسعاره.

أتمنى إنكم تكونوا استفدتم

 تابعوا جميلة كير في البوست اللي جي عن حل مشكلة جديدة من مشاكل البشرة.

مشاركه الموضوع
هذه المقالة
بواسطة Asmaa Adel خبيرة ازالة الشعر بالليزر و طرق علاج البشرة بأجهزة الليزر الحديثة و المنزلية
اضف تعليق
25 أحبو المقال

التعليقات (٠)

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>