غسول بيزلين 4 في 1 – ريفيو كامل عنه واسعاره Beesline 4 in 1 Whitening Cleanser

احصلي على انارة واشراقة مبهجه وملحوظة مع غسول بيزلين 4 في 1 للوجه المناسب للبشرة الدهنية.

متابعات جميلة كير, عاملين ايه, النهاردة عملتلكم ريفيو كامل بتجربتي مع غسول وجه بيزلين للتفتيح, وهو غسول خاص بتفتيح الوجه والعنايه بيه بشكل كامل.

هعرفكم كل المواد اللي ميزته عن أي غسول تاني للوجه, وكمان كل الوظائف اللي بيقوم بيها وليه هو 4 في 1.

هتعرفي مميزاته وعيوبه وآراء عملاء جميلة كير المتابعات مع خبيرات الجلدية والتجميل.

وكمان هعرفكم نتايجة امتى بتظهر وطريقة الاستخدام الصحيحة ليه, واسعاره في الوطن العربي ومنين تقدري تشتريه من مكان مضمون.

تابعي للآخر وهستنى استفساراتكم في الكومنتات.

غسول بيزلين 4 في 1 Beesline 4 in 1 Whitening Cleanser

منتجات شركة بيزلين اللبنانيه هى من المنتجات المميزة للعناية بالبشرة والجسم المصنعه بشمع العسل, لأنها مصنعة من مواد طبيعية وخالية من المواد الكيميائية اللي ممكن تأذى بشرتك ويكون ليها آثار جانبية.

واللي بيميز غسول بيزلين 4 في 1 عن اي غسول تاني للوجه, ان هو مش بس غسول لتفتيح الوجه هو كمان سكراب وماسك لبشرتك.

طبعًا غير ان فيه مادة اللوميسكن (lumiskin), وهي مادة من مستخلص طبيعي بتشتغل علي تفتيح البشره بطريقة آمنه.

تعالي اقولك باقي مميزاته.

فوائد غسول بيزلين 4 في 1

• تقدري تستخدمي غسول بيزلين ٤ في ١ كقناع بينظف مسام بشرتك بعمق من البكتيريا والميكروبات.
• يمكن استخدام غسول بيزلين للوجه 4 في 1 كماسك لبشرتك, لأنه بيدي للبشرة نضارة وحيوية مستمرة.
• بيشتغل على تقشير الجلد الميت ببذور قشر الجوز وده لانه بيعمل سكراب للبشرة, وكمان بيجدد خلايا بشرتك باستمرار وهو مقشر لطيف للجلد.
• غسول بيزلين 4 في 1 بيقلل التصبغات في بشرتك لأنه بيحتوي على الفيتامينات الهامه اللي بشرتك محتجاها طول الوقت زي فيتامين سي (c)و ب 3(b3) وكمان هيدي اشراقه واضحة مع الاستخدام.
• بيحتوي على مادة الصلصال اللي بتمتص دهون بشرتك بشكل فعال, ودا يخلية مناسب جدا لأصحاب البشرة الدهنية والمختلطة.

بالنسبه لعيوبه

• مينفعش تستخدمي غسول بيزلين للتفتيح لو انتى بشرتك جافة لأنه هيجففها زيادة.
• يفضل لو تستخدميه مع كورس التفتيح, مينفعش تعتمدى عليه كمفتح لوحده.
• مينفعش تستخدميه في منطقة حول العين.

سعر غسول بيزلين 4 في 1 في الدول العربية

بيتفاوت من دولة للتانية

في السعودية 67 ريال

الإمارات 67.20 درهم

الكويت 5.38 دينار

البحرين 6.72 دينار

عمان 11.48 ريال

فى مصر 245 جنية رابط الشراء في مصر عن طريق الفيسبوك

نتائج غسول بيزلين للوجه 4 في 1

يفضل تتابعي استخدام  غسول بيزلين 4 في 1 للتفتيح مع خبيرة الجلدية والتجميل عشان تعرفك الروتين المناسب ليكي, وتتابعك طول فترة العلاج عشان توصل معاكي لنتائج مضمونه.

• نتيجة غسول وجه بيزلين بتبان من أول استخدام هتحسي ان بشرتك منورة وفيها نضارة, وهينظف مسام الوجه.
• بعد رابع مرة استخدام بيهدي اي حبوب ملتهبة في بشرتك, وبيجدد خلايا الجلد.
• مع الاستخدام المستمر بيساعدك في التخلص من الحبوب في البشرة وكمان بيفتح البشرة بشكل واضح.

ريفيوهات عائلة جميلة كير

دي ريفيوهات عميلاتنا المتابعات مع خبيرات الجلدية والتجميل عندنا, وازاى كانوا بيحسوا بالتغير والراحة بعد استخدامه, وكان أغلبهم بيستخدمو غسول بيزلين للتفتيح مع كورس التفتيح.

طريقة استخدام غسول الوجه بيزلين 4 في 1

استخدامه كغسول:

1. خدي كمية مناسبة على ايدك ورغيه مع كمية قليلة من المياه.
2. وبعدين دلكي بشرتك بالغسول واغسلي الوجه منه كويس بمياه فاترة.
3. تقدري تستخدميه مرة واحدة يوميًا.

استخدامه كماسك او سكراب:

1. خدي كمية كافية من beesline غسول ووزعيها على بشرتك بحركة لطيفة بدون ما تقربي لمنطقة حول العين.
2. سيبيه على البشرة حوالي 15 دقيقة.
3. اغسليه بمياه فاترة مع التدليك بحركة دائرية لحد ما تتاكدي ان تم ازالته بشكل كامل.
4. جففي بشرتك بمنشفة قطنية ناعمة.
5. تقدري تستخدميه مرتين في الاسبوع بحد اقصى.